ဝိပဿနာအစ မတွေ့တဲ့စိတ်က

“သမောဟစိတ္တံ သမောဟစိတ္တန္တိ ပဇာနာတိ”
“၀ိပဿနာ ရှုတော့ရှုတယ် ဘုရား . . . ဘာမှမတွေ့ဘူး။” ဒါနဲ့ ဆင်ခြေကိုင်တာပဲ။ ဒီစိတ်ကလေးက ကြည့်တော့ကြည့်တယ်။ ဘာမှတွေ့ဘူး။ ဒါဆိုရင် မတွေ့တဲ့ စိတ်ကိုပဲ ပြန်ကြည့်။ ဘာမှ မတွေ့တဲ့ စိတ်ကလေးက မတွေ့တာနဲ့ပဲ အနိစ္စရောက်သွားတာ။ မတွေ့တဲ့ စိတ်ကလေးကို ဉာဏ်နဲ့ နောက်က ကြည့်ပေးပါ။ မသိတဲ့ စိတ်ကလေး သက်တမ်းကုန်သွားတယ်။ သက်တမ်းကုန်သွားတာလေးကိုသာ သိအောင်ကြည့်။ သက်တမ်းကုန်သွားတာလေးက “အနိစ္စ”။ သက်တမ်းကုန်မှန်း သိလိုက်တာလေးက “မဂ္ဂ”။ ၀ိပဿနာ မရှုတတ်ဘူးဘုရား . . . ဆိုရင် မရှုတတ်တဲ့စိတ်ကိုရှု။
အောင်မာ . . . အတော်ဆန်းတဲ့ စကားပါလားလို့ ခင်များတို့က အောက်မေ့ချင် အောက်မေ့နေမယ်။ ဦးဝင်းတို့ ဦးဘအုံးတို့ ဆန်းသလား . . .တဲ့။ ရိုးရာပဲလား။ (ရိုးရာပါ ဘုရား။)

သို့သော် ခင်များတို့က ၀ိပဿနာ တွေ့ရက်နဲ့ ၀ိပဿနာ မရှာတတ်လို့ သင်ရတာပါ။ ရှုစရာအာရုံ ပေါ်လာရက်သားနဲ့ ခင်များတို့က မရှုတတ်ဘူး ပြောနေလို့။ ရှေ့သာ ရှာနေတယ်၊ ကိုယ်ရှာတာ ပျက်တာ မသိဘူး။ ၀ိပဿနာ ရှာပြီဆိုရင် ရှုစရာကို ရှာမတွေ့တဲ့စိတ် လာတတ်တယ်။ အဲဒီ လာတဲ့စိတ်ကို နောက်ဉာဏ်က ရှုပေး။ ရှုလိုက်တဲ့ အခါကျတော့ နောက်ဉာဏ်ဝင်လာရင်ပဲ သူ ရှိသေးလား။ (မရှိတော့ပါဘုရား။) မရှိတော့ “အနိစ္စ”။ မရှိတာကို သိတာက “မဂ္ဂ”။
ဒါ ဘာရှုတာတုန်း မေးတော့၊ ဘယ်စိတ်ရှုတာပါတုန်း မေးတော့မှ “သမောဟစိတ္တံ သမောဟစိတ္တန္တိ ပဇာနာတိ” အလုပ်ခိုင်းတာ ဆရာဘုန်းကြီးက။ သဘောပါကြပြီလား။ (မှန်ပါဘုရား။) ရှုလို့ ဘာမှမမြင်ဘူးဆိုတာ မောဟစိတ် ပေါ်နေတာ။ အဲဒီ မောဟစိတ်ကလေးကိုပဲ ဘုန်းကြီးတို့က တစ်ခါတည်း ၀ိပဿနာအာရုံ လုပ်ပစ်လိုက်တာ။ သူ ရှေ့ရှာလို့သာ မတွေ့တယ် သူသေတာ ကျုပ်တို့က တွေ့တယ်။ ရှင်းပြီလား။ (မှန်ပါ။)

ဘာ နုပဿနာ ဖြစ်သွားတုန်းမေးတော့ “စိတ္တာနုပဿနာ” ဖြစ်သွားတယ်၊ “ဓမ္မာနုပဿနာ” ဖြစ်သွားတယ် ဆိုတာပေါ့ဗျာ။ စိတ်ကလေး ချုပ်ပျက်သွားတာသိရင် “စိတ္တာနုပဿနာ”။ စိတ်ကလေး ဒုက္ခရောက်သွားတာသိရင် “ဓမ္မာနုပဿနာ”။ ကဲ အကုန်ပါမသွားဘူးလား။ (ပါပါတယ် ဘုရား။) ရှင်းကြရဲ့လား။ (ရှင်းပါတယ် ဘုရား)။ ၀ိပဿနာ ရှုတတ်ပြီလား။ (ရှုတတ်ပါပြီ ဘုရား။)
ခင်းများတို့ ဆေးတွေ့ရက်သားနဲ့ မစားတတ်လို့ ခက်သွားတာကိုး။ ဆေးတွေ့ရက်သားနဲ့ မစားတတ်လို့ ခက်သွားတာ ဆိုတော့ . . . မင်းတုန်းမင်းကြီး လက်ထက်က။ ရာဇ၀င်တွေဘာတွေ ဖတ်ဖူးတဲ့သူဆိုရင် သမားတော် ဆရာပိုဆိုတာ ကြားဖူးမှာပေါ့။ ဆရာပို ဆိုတာက အမရပူရက။ နန်းတော်သွားတော့ လူတစ်ယောက် သခွားသီးတောင်းနဲ့ ဇရပ်ပေါ် ထိုးအိပ်နေတာတွေ့ . . .။ ဆရာပိုက တပည့်တွေနဲ့လာ။ ဟ ဟိုလူ ကြည့်ကြပါအုံးကွ ဘာများ ဖြစ်နေတုန်း။ ထိုးအိပ်နေရှာတယ်။ သူ့ကြည့်ရတာလည်း မသက်သာဘူး ထင်တယ်။ သွားမေးစမ်း တပည့်တွေဆို သွားမေးတော့ ဒကာဒကာမတို့ . . . လေနာထတယ်လို့ ပြောလိုက်တယ်။ အော် . . . မသိတော့ သိပ်ခက်တာပဲဟေ့ . . . ဆိုပြီးသကာလ သူထမ်းလာတဲ့သခွားသီး ကျွေးလိုက်စမ်းပါကွာ ခွဲပြီးတော့။ လေအားနည်းလို့ နာနေတာ သခွားသီးက လေ ဖြည့်ပေးလိုက်တော့ သူ ခဏလေးပဲ လေနာပျောက်ပြီး သူ့အထမ်းသူ ထမ်းသွားတာပဲ။
သဘောကျပြီလား။ (မှန်ပါ့။) ဘာဖြစ်လို့တုန်း။ ဒီမှာ ဆေးပါရက်သားနဲ့ မသောက်မိဘူး။ ဒါကြောင့် သူ လေနာခံရရှာတာ။ ဆေးတွေတော့ သူထမ်းလာတာပဲ။ အင်း . . . သူထမ်းပြီး သူပဲ လေနာထနေတယ်။ ဒီ့ပြင်ဆေး ရှာရအုံးတော့မလို ကျမနေဘူးလား မသိတဲ့လူအတွက်က။ (ကျပါတယ်ဘုရား။)
အဲ . . . ခင်းများတို့ ရှုတော့ ရှုတယ်ဘုရား . . . ဘာမှ မတွေ့ဘူး ဆိုလို့ရှိရင်ဖြင့် အဲဒီ ဘာမှ မတွေ့တဲ့ဥစ္စာဟာ ခင်များတို့၏ နိဗ္ဗာန်ရောက်တဲ့ ဆေးပဲ။ မတွေ့တဲ့ စိတ်ကလေးကို ဉာဏ်နဲ့ ရှုလိုက်တော့ မတွေ့တဲ့စိတ်က “အနိစ္စ”။ ရှုတာက “မဂ္ဂ”။ မဖြစ်ဘူးလား။ (ဖြစ်ပါတယ် ဘုရား။) အဲဒီတော့ ခင်များတို့သည် . . . “၀ိပဿနာအစ မတွေ့တဲ့စိတ်က”သာ မှတ်ပေတော့ . . .။
 သမီး ဒီကောင့်ကိုမယူနဲ့
သူငယ်ချင်းတို့ရေ... မင်္ဂလာပါနော်... ကျနော်ကတော့ အခုအချိန်ကစပြီး မဟုတ်တာတွေပြောပါတော့မယ်........
              ကျနော်တို့ရွာမှာ ဦးပွါးနဲ့ ဒေါ်လွန်းဆိုတဲ့ လင်မယားနှစ်ယောက်ရှိတယ်လေ သူတို့မှာက သမီးတွေချည်းပဲ(၇)ယောက်
ထွန်းကားတယ်ဗျ၊ သမီးတွေအားလုံးက အရွယ်ရောက်ပြီး သူ့အိမ်ထောင်နဲ့သူဖြစ်နေကြပါပြီ၊ အဲ..... မဟုတ်ဖူး အငယ်ဆုံးလေး
တစ်ယောက်ကျန်သေးတယ် သူလည်းအရွယ်ရောက်ပြီ အိမ်ထောင်ပြုခါနီးမှ သူ့မိဘတွေက သဘောမတူလို့ မယူဖြစ်တာဗျ၊
သူ့မိဘတွေကဘာလို့သဘောမတူတာလဲဆိုတော့ ပြောပြမယ်နော်.....
               ဥင်္ီးပုတို့ရဲ့သမီးတွေ အသီးသီးအိမ်ထောင်ကျကြတယ်..... ပထမဆုံးတစ်ယောက်က ထန်းတစ်ပင်ရွာသားနဲ့ အိမ်ထောင်ကျတယ် ကလေး တစ်ယောက်မွေးတယ်၊ ဒုတိယသမီးက ညောင်နှစ်ပင်ရွာသားနဲ့ အိမ်ထောင်ကျတယ် ကလေးနှစ်ယောက်မွေးတယ်၊ တတိယသမီးက သုံးခွမြို့သားနဲ့ အိမ်ထောင်ကျတယ် ကလေး သုံးယောက်မွေးတယ်၊ စတုတ္ထသမီးကျတော့ လေးမျက်နှာမြို့သားနဲ့ အိမ်ထောင်ကျတယ် ကလေး လေးယောက်မွေးတယ်၊ ပဉ္စမသမီးက ရွှေဘိုမြို့(ငါးမည်ရ)သားနဲ့ အိမ်ထောင်ကျတယ် ကလေး ငါးယောက်မွေးတယ်၊ ဆဌမသမီးက ချောက်မြို့သားနဲ့ အိမ်ထောက်ကျတယ် ကလေး ခြောက်ယောက်မွေးတယ်၊ အင်း... ဒီလိုနဲ့ နောက်ဆုံးတစ်ယောက်ကျတော့ သူ့မိဘတွေကို တိုင်ပင်တယ် သမီးအိမ်ထောင်ပြုတော့မယ်ပေါ့၊ ဒီတော့ မိဘတွေဖြစ်တဲ့ ဦးပွါးနဲ့ ဒေါ်လွန်းတို့ကလည်း အေး.... ဒါဆိုရင် သမီးယူမယ့်ကောင်လေးကို တွေ့ချင်တယ်ဆိုတော့ အငယ်မလေးက ခေါ်လာတယ်လေ သူ့ကောင်လေးကို အိမ်ရောက်တော့ ဦးပွါးနဲ့ ဒေါ်လွန်းတို့ကမေးတာပေါ့ အစုံပါပဲ ဒါပေမယ့် နောက်ဆုံးမေးခွန်းတစ်ခုကို ကောင်လေးကဖြေလိုက်တဲ့အချိန်မှာ စာမေးပွဲကျသွားတယ်လေ၊ ဘာမေးခွန်းလဲ ပြောမြမယ်.... ဦးပွါးကမေးတယ် မင်းက ဘယ်မှာနေတာလဲဆိုတော့...... ကောင်လေးကဖြေတယ်လေ ကျနော်က သုံးဆယ်မြို့မှာနေပါတယ်တဲ့၊ အဲ့ဒီမှာတင် ဦးပွါးဟာ ချက်ချင်းအမူအယာပျက်သွားကာ သမီး သမီး ဒီကောင့်ကိုမယူနဲ့ လို့ပြောပြီး ကောင်လေးကိုလည်း အိမ်ကနေ မောင်းထုတ်ပါသတဲ့ဗျာ။
   သူငယ်ချင်းတို့ရေ.... ဦးပွါးက ကောင်လေးကို ဘာကြောင့်သဘောမတူတာလဲဆိုတာ ၀ိုင်းကူစဉ်းစားပေးကြပါနော်
*^^^:)နားလည်မှု နှင့်စာနာခြင်းအတွက်:>>>>
ပုံပြင်တစ်ပုဒ်လောက် ပြောပြပါရစေ။
ဒီပုံပြင်မှာ ရည်ရွယ်ချက် ရှိပါသည်။
လူဆိုတာ တစ်ယောက်ထည်း နေလို့ မရဘူး။ အသိုင်းအဝိုင်း၊ အပေါင်းအသင်းနဲ့ နေရတယ်။
အနည်းဆုံး ကိုယ့်မိသားစုနဲ့ ပေါင်းရတယ်။ သင်းရတယ်။ အမြဲတမ်း ထိတွေ့ဆက်ဆံနေရတော့
စိတ်ထဲမှာ အဆင်မပြေမှုတွေ၊ ပြဿနာတွေ၊ အားမလိုအားမရဖြစ်မှုတွေ ရှိနိုင်ပါတယ်။
ဒီပုံပြင်လေးဟာ အဖွဲ့အစည်းတစ်ခုနဲ့ တစ်ခုအကြား၊ မိဘနဲ့ သားသမီးအကြား၊ ဆရာနဲ့
တပည့်အကြား၊ လင်မယား နှစ်ယောက်အကြား၊ သူငယ်ချင်း နှစ်ယောက်အကြားမှာ
ထားသင့်ထားအပ်တဲ့ အတွေးတစ်ခုကို ပေးပါလိမ့်မယ်။
တစ်ခါတုန်းက……….
အလင်းမရှိဘဲ မှောင်နေတဲ့ အခန်းတစ်ခန်းထဲမှာ ဖယောင်းတိုင်ကလေး (၅)တိုင် ရှိတယ်။
အဲဒီ ဖယောင်းတိုင်တွေမှာ အလင်းကိုယ်စီနဲ့ပေါ့။ ဖယောင်းတိုင် (၅)တိုင်ရဲ့
အလင်းအားကြောင့် မှောင်မည်းနေတဲ့အခန်းဟာ လင်းထိန်နေတော့တယ်။ ဒီအခန်းထဲကို
လေပြေပျော့လေး တိုက်ခတ်နေသတဲ့။ တစ်ခါတစ်ခါမှာ လေဟာ ပြင်းသွားလိုက်၊
တစ်ခါတစ်ခါမှာ လေဟာ ငြိမ်သွားလိုက်နဲ့ပေ့ါ။
လေတစ်ချက်အဝေ့မှာ ဖယောင်းတိုင်လေး တစ်တိုင် မီးငြိမ်းသွားတယ်။ အခန်းဟာ အလင်းအား
နည်းနည်း လျော့သွားတယ်။ အဲ့ဒီဖယောင်းတိုင်လေးကို ``အချစ်`` လို့
နာမည်ပေးကြည့်ရအောင်။ ``အချစ်ဆိုတဲ့ အလင်းအားလေး`` လျော့သွားတော့ အခန်းဟာ
နည်းနည်းလေး မှောင်သွားတယ်။
နောက်ထပ် လေအဝှေ့မှာ ဒုတိယ ဖယောင်းတိုင်လေး မီးငြိမ်းသွားပြန်တယ်။ အဲဒီ
ဖယောင်းတိုင်လေးကို ``သံယောဇဉ်`` လို့ နာမည်ပေးကြည့်ရအောင်။ ဒီအခန်းထဲမှာ
``အချစ်`` ဆိုတဲ့ အလင်းရောင်ရယ်၊ ``သံယောဇဉ်`` ဆိုတဲ့ အလင်းရောင်ရယ်
မရှိတော့ဘူး။ အခန်းဟာ အမှောင်ထု ကြီးစိုးလာတော့တယ်။
ဒီလိုနဲ့ နောက်ထပ် ```လေတစ်ချက်`` အဝေ့မှာ တတိယ ဖယောင်းတိုင်လေး
ငြိမ်းသွားပြန်တယ်။ အဲဒီဖယောင်းတိုင်လေးကို ``မေတ္တာတရား`` လို့
နာမည်ပေးကြည့်ရအောင်။
ဒီလိုပဲ… နောက်ထပ် လေအဝေ့တစ်ချက်မှာ စတုတ္ထဖယောင်းတိုင်လေး ငြိမ်းသွားပြန်တယ်။
ဒီဖယောင်းတိုင်လေးကိုတော့ ``ကရုဏာ တရား`` လို့ နာမည်ပေးကြည့်ရအောင်။
ဖယောင်းတိုင် (၅) တိုင် အလင်းအားရှိတဲ့ ဒီအခန်းဟာ ဖယောင်းတိုင် (၁)တိုင်မျှသာ
အလင်းအားရှိတော့တယ်။ ဒီနောက်ဆုံး ဖယောင်းတိုင်လေးသာ လေအဝေ့မှာ
မီးညွန့်ကလေးငြိမ်းသွားခဲ့ရင် ဒီတစ်ခန်းလုံး မှောင်မည်းသွားတော့ မှာပါပဲ။
ဖြစ်ချင်တော့ ဒီအခန်းထဲကို လူတစ်ယောက် ရောက်လာတယ်။
``အခန်းကြီးက မှောင်းမည်းနေတာပဲ။ တော်သေးတာပေါ့။ ဖယောင်းတိုင်လေးတစ်တိုင်
လင်းနေသေးလို့``
ပြောပြောဆိုဆို ဖယောင်းတိုင်ရဲ့ မီးညွန့်ကို လက်ဝါးလေးနဲ့ ကာလိုက်တယ်။
အလင်းရောင် မှိန်ပျပျအောက်မှာ မီးငြိမ်းနေတဲ့ ဖယောင်းတိုင် (၄)တိုင်ကို
တွေ့သွားတယ်။ ချက်ချင်းဆိုသလိုပဲ နောက်ဆုံးကျန်နေတဲ့ ဖယောင်းတိုင်ရဲ့
မီးညွန့်ကိုကူးပြီး မီးငြိမ်းသွားခဲ့တဲ့ ဖယောင်းတိုင်လေးတွေကို
မီးကူးပေးလိုက်တယ်။ ဒီအခန်းက အရင်အတိုင်းပဲ ပြန်ပြီး လင်းထိန်သွားပါတော့တယ်။
**********စာဖတ်သူကို မေးပါရစေ……
ဒီနောက်ဆုံးကျန်တဲ့ ဖယောင်းတိုင်လေးကို ကျွန်တော်တို့ နာမည်ပေးကြည့်ကြရအောင်။
စာဖတ်သူလည်း ကြိုက်သလို နာမည်ပေးပါ။ ကျွန်တော်ပေးထားတဲ့ နာမည်လေးတော့ ရှိတယ်။
ကျွန်တော်က နောက်ဆုံး ဖယောင်းတိုင်လေးရဲ့ နာမည်ကို ``နားလည်ပေးမှု၊ စာနာပေးမှု
ဖယောင်းတိုင်`` လို့ နာမည်ပေးထားတယ်။
တွေးကြည့်ရအောင်။
လူတစ်ယောက်နဲ့ တစ်ယောက်အကြားမှာ ``နားလည်ပေးမှု၊ စာနာပေးမှု`` ဆိုတဲ့ အလင်းအား
ရှိတဲ့ ဖယောင်းတိုင်လေးသာ ရှိနေသေးရင် ``အချစ်``ဆိုတာ ပြန်ဖြစ်နိုင်တယ်။
``သံယောဇဉ်`` ဆိုတာ ပြန်ဖြစ်နိုင်တယ်။ ``မေတ္တတရား၊ ကရုဏာတရား``တွေ
ပြန်ဖြစ်နိုင်တယ်။ ``နားလည်ပေးမှု၊ စာနာပေးမှု`` ဆိုတဲ့ ဖယောင်းတိုင်လေးသာ
မီးငြိမ်းသွားခဲ့ရင်… အခန်းကြီး မှောင်မည်းသွားသလို အချစ်တွေ၊ မေတ္တာတရားတွေ၊
သံယောဇဉ်တွေ၊ ကရုဏာတရားတွေ ပြန်ဖြစ်ဖို့ မလွယ်တော့ပါဘူး။ လူ့ဘဝရဲ့ အနှစ်သာရလည်း
ပျက်စီးသွားတော့မှာပါပဲ။
မိသားစု အချင်းချင်းအကြားမှာ၊ သူငယ်ချင်းနှစ်ယောက်အကြားမှာ၊
မောင်နှစ်မနှစ်ယောက်အကြားမှာ၊ လင်းမယားနှစ်ယောက်အကြားမှာ၊ အဖွဲ့အစည်းတစ်ခုနဲ့
တစ်ခုအကြားမှာ ``နားလည်ပေးမှု၊ စာနာပေးမှု``ဆိုတဲ့ ဖယောင်းတိုင်လေး လင်းနေဖို့
လိုမယ်ထင်ပါတယ်။ ဒီဖယောင်းတိုင်လေးသာ မီးငြိမ်းသွားခဲ့ရင်… လူမှုဆက်ဆံရေးရဲ့
ပျော်စရာကောင်းတဲ့ သဘာဝကို ခံစားနည်းလည်နိုင်တော့မှာ မဟုတ်ပါဘူး။
ချစ်သူနှစ်ယောက်အကြားမှာ ``နားလည်ပေးမှုနဲ့ စာနာပေးမှု`` ရှိရင် ပျော်စရာ
သိပ်ကောင်းမှာပဲ။
မိဘအပေါ်မှာ နားလည်ပေးတက်တဲ့ သားသမီးတွေကို ပိုင်ဆိုင်ခွင့်ရတဲ့ မိသားစုဟာ
ပျော်စရာကြီးပါ။ ဒီလိုပါပဲ နားလည်ပေးတက်တဲ့၊ စာနာပေးတက်တဲ့ မိဘတွေရဲ့
သားသမီးဖြစ်ခွင့်ရရင်လည်း ပျော်စရာပါပဲနော်။
ကိုယ့်ကို နားလည်ပေးတဲ့၊ စာနာပေးတဲ့ ချစ်သူနဲ့သာ အတူနေခွင့်ရရင် အချစ်ဆိုတာ
ပျော်စရာပဲလို့ ခံစားမိမှာပါ။
*အပြန်အလှန် နားလည်ပေးတဲ့၊ စာနာပေးတဲ့ လူ့အဖွဲ့အစည်းတွေသာ ကျွန်တော်တို့
ဝန်းကျင်းမှာရှိခဲ့ရင် ကျွန်တော်တို့ လူ့ဘောင်လောကကြီးဟာ ဒီထက်ပိုပြီး
သာယာလာပါမယ်။* ငြိမ်းချမ်းလာပါမယ်။ တိုးတက်လာပါမယ်။ ပျော်စရာလည်း
ကောင်းလာပါမယ်။
ဒါကြောင့် ဘယ်နေရာမှာ မဆို ``နားလည်ပေးမှုနဲ့ စာနာပေးမှု``
အပြန်အလှန်ရှိကြမယ်ဆိုရင် လောကကြီးဟာ ငြိမ်းချမ်းနေမှာပါ။
ဒါပေမယ့်….
``နားလည်ပေးမှုနဲ့ စာနာပေးမှု `` ကိုတော့ အလွဲသုံးစား မလုပ်သင့်ဘူးနော်။
``နားလည်ပေးမှုနဲ့ စာနာပေးမှု`` ကို အခွင့်ကောင်းမယူသင့်ဘူး။
``နားလည်ပေးမှုနဲ့ စာနာပေးမှု`` ကို တန်ဖိုးမဲ့အောင် မလုပ်သင့်ဘူးနော်။
စာဖတ်သူလည်း နောက်ဆုံး ဖယောင်းတိုင်လေးရဲ့ နာမည်ကို ဘယ်လိုများ
မှည့်ခေါ်ချင်ပါသလဲ။
ဒီပုံပြင်လေးကို ဖတ်ပြီး….
``ချစ်သူတွေ၊ သူငယ်ချင်းတွေ၊ မိသားစုတွေ၊ လူသားတွေ၊ အဖွဲ့အစည်းတွေ`` ရဲ့ကြားမှာ
``နားလည်ပေးမှုနဲ့ စာနာပေးမှု`` ဆိုတဲ့ အလင်းရောင်ကလေးနဲ့ `` အချစ်တွေ၊
သံယောဇသံယောဇဉ်တွေ၊ မေတ္တာတရားတွေ၊ ကရုဏာတရားတွေ`` ပြန်ပြီး
ရှင်သန်ထွန်းလင်းကြပါစေလို့ ဆန္ဒပြုလိုက်ပါတယ်။
.........ဘယ်သူရေးလည်းမသိပေမယ့် ကျွန်တော်ဖတ်ခဲ့မိပြီး နှစ်သက်မိသောစာတစ်ပုဒ်................
http://belovedcrane.multiply.com/journal/item/110/110 မှ တဆင့်ဖော်ပြပေးခြင်းဖြစ်ပါသည်။မူရင်းရေးသားသူနှင့်
တဆင့်ဖော်ပြခွင့်ရရှိရန်ဆောင်ရွက်ပေးသူများအားလုံးကို ကျေးဇူးတင်ရှိပါသည်။

Labels: ယဉ်ကျေးမှုဆိုင်ရာ