သင်နုပျိုချင်ပါသလား
ဤလောက၌ မနုပျိုချင်တဲ့သူ မရှိပါ။ သူသူကိုယ်ကိုယ် အရွယ်တင်နုပျိုချင်ကြပါတယ်။ ဒါကြောင့်အရွယ် မတိုင်မီ အိုမင်းမှုကို တိုက်ဖျက်ဖို့အတွက် အချက် (၈)ချက်ကို တင်ပြလိုက်ပါတယ်။
(၁) သင့်အသက် ၁၈နှစ်လောက်က ကိုယ်အလေးချိန်အတိုင်းရှိပါစေ
သင့်ကိုယ်အလေးချိန်တိုးကာ အဆီများလာလျှင် ဆီးချိုရောဂါဖြစ်ဖို့ အလားအလာ
ပိုရှိပါတယ်။ ဒါ့အပြင် အဆိကလာပ်စည်းများက Cytokines ကို ထွက်စေလို့
ထိုမှတစ်ဆင့် နှလုံးနဲ့သွေးကြောတွေကို မာကျော စေပါတယ်။ ထို့အပြင်
အဆီများတာဟာ တချို့ ကင်ဆာတွေကို ဖြစ်စေနိုင်ပါတယ်။ ဒါ့အပြင် ပိန်တဲ့သူတွေဟာ
ဝတဲ့သူတွေလောက် အချိန်မတိုင်မီ သေဆုံးမှု မရှိဘူးလို့ ဆိုပါတယ်။ ဒါ့ကြောင့်
သင့်ရဲ့ ကိုယ်အလေးချိန်ကို ထိန်းထားသင့်ပါတယ်။
(၂) အားဆေးသောက်ပါ
အသက်ကြီးလာတာနဲ့အမျှ ခန္ဓာကိုယ်တွင်းမှာ စွမ်းအင်များလျော့နည်းလာပါတယ်။ ခန္ဓာကိုယ်အတါင်းမှ ကလာပ်စည်းများထဲရှိ Mitochondria တွေ
ပျက်စီးယိုယွင်းလာတာဟာ အသက်အရွယ်ကြီးရင့် စေတဲ့အ ကြောင်းပဲ ဖြစ်ပါတယ်။
ဒီအားဆေးတွေဟာ Mitochondria ကို ပြန်လည် အားဖြည့်စေလို့
အသက်အရွယ်ကြီးရင့်လာမှုကို တားဆီးနိုင်ပါတယ်။
(၃) အစားကို နင်းကန်မစားပါနှင့်
လေ့လာမှုများအရ ကယ်လိုရီလျှော့စားသူများဟာ သွေးတွင်းသကြားဓာတ်ကို ထိန်းထားနိုင်တဲ့အတွက် Tissue တွေ ပျက်စီးတာကို လျော့နည်းစေတယ်လို့
သိရပါတယ်။ တစ်ပတ်မှာ တစ်ရက်လောက်အစာကို လျှော့စားပြီး
ရေများများသောက်ကြည့်ပါ။
(၄) အိမ်မွေးတိရစ္ဆာန်တွေ မွေးပါ
အိမ်မွေးတိရစ္ဆာန်တွေ မွေးတာဟာ နှလုံးရုတ်တရက် တိုက်ခိုက်ခံရခြင်းနဲ့ စိတ်ကျရောဂါကို လျော့နည်းစေပါတယ်။ အိမ်မွေးတိရစ္ဆာန်မွေးသူတွေဟာ
အသက်ကြီးရင့်တဲ့အခါမှာဖြတ်တတ်တဲ့ သွေးတိုးရောဂါကို ကာကွယ်နိုင်ပါတယ်။
ချစ်စရာအိမ်မွေး တိရစ္ဆာန်လေးတွေကြောင့် စိတ်ဖိစီးမှုကိုလည်း သက်သာစေပါတယ်။
သတိထားရမှာက တိရစ္ဆာန်လေးတွေကို သတိနဲ့ ကိုင်တွယ်ဖို့လိုပါတယ်။
(၅) ခန္ဓာကိုယ်တစ်နေရာရာမှာ နာကျင်လျှင် ဆရာဝန်နှင့် တိုင်ပင်ပြသပါ
နာကျင်မှုဟာ ခန္ဓာကိုယ်ရဲ့ ခုခံအားစနစ်ကို လျော့ကျစေပါတယ်။ ဒါ့အပြင်
နာကျင်မှုကြောင့် စိတ်ကျရောဂါနှင့်အတူ Stree hormone ဖြစ်တဲ့ cortisol ကို
မြင့်တက်စေပါတယ်။ ဒါ့ကြောင့် ခန္ဓာကိုယ်မှာ နာကျင်မှု တစ်ခုခုဖြစ်လျှင်
ဆေးမြီးတိုနဲ့ မကုသဘဲ ဆရာဝန်နဲ့ သေချာ ဆွေးနွေးတိုင်ပင် သင့်ပါတယ်။
(၆) ခြေလျင်လမ်းလျှောက်ပါ
လမ်းလျှောက်တာဟာ သွေးကြောနံရံတွေကို နှစ်ဆပျော့ပြောင်းစေပါတယ်။ တစ်ပတ်မှာ ၅ရက်လောက်နဲ့ တစ်ခါလျှောက်လျှင် အကြမ်းဖျင်း မိနစ်၃၀လောက်
လျှောက်ပေးဖို့သင်ပါတယ်။ အသက်ကြီးလာတာနဲ့ အမျှ သွေးကြောနံရံတွေဟာ
မာလာပါတယ်။ အဓိကကတော့ သွေးတိုးလာလို့ပဲ ဖြစ်ပါတယ်။ လမ်းလျှောက်ခြင်းဖြင့်
သွေးတိုးရောဂါကို ထိန်းနိုင်သလို ဆိးချိုရောဂါ၊ စိတ်ကျရောဂါနဲ့ မေ့တတ်တဲ့
ပြဿနာကိုပါ လျော့နည်းစေပါတယ်။
(၇) ဖြည်းဖြည်းသက်သာဖြေရှင်းပါ
လင်မယား အချင်းချင်း ရိုင်းရိုင်းစိုင်းစိုင်းရန်ဖြစ်တာဟာ သွေးကြောထဲမှာ သွေးခဲဖို့အလားအလာ များပါတယ်။ ဒီလိုအောကြီးဟစ်ကျယ် ရန်ဖြစ်တာ နှလုံးကို
ထိခိုက်စေနိုင်ပါတယ်။ လင်မယားချင်းရန်ဖြစ်တာ သဘာဝပါ။ ဒါပေမယ့်
ကျန်းမာနုပျိုချင်လျှင် ရိုင်းရိုင်းစိုင်းစိုင်း ပြောခြင်း၊
ငေါ့တော့တော့ပြောချင်း၊ ခြေလက်များပါခြင်းတို့ကို ရှောင်ကြဉ်ကာ ပြဿနာကို
အေးအေးဆေးဆေး ဆွေးနွေးသင့်ပါတယ်။
(၈) အပင်စိုက်ပါ
တစ်သက်လုံးပျော်ချင်လျှင် သစ်ပင်စိုက် ဟူသော စကားပုံ ရှိပါတယ်။ အပင်စိုက်တာဟာ စိတ်ကြည်နှုးစရာပါ။ စိတ်ညစ်တာတွေ၊ စိတ်ကျတာတွေကို
ဖြေဖျောက်ပေးနိုင်ပါတယ်။ လေ့လာ စမ်းသပ်မှုတစ်ခုအရ ပန်းပင်တွေကို
မြင်တွေ့နေရတဲ့ လူနာများဟာ အုတ်နံရံကိုသာ မြင်တွေ့ရတဲ့ လူနာများထက်
ဆေးရုံမှ စောစောဆင်းရတယ်လို့ ဆိုကြပါတယ်။ ဒါ့ကြောင့်
စိတ်နုပျိုလန်းဆန်းလိုလျှင် သစ်ပင်စိုက်ပါ။
မအိုမနာမသေဆေးအပါအဝင် မြန်မာ့ဆေးမြီးတိုနည်းများ
အစွမ်းထက်မြက်သောဆေးမြီးတိုနည်းများပို့စ်မှာပြောခဲ့တဲ့အတိုင်း မအိုမနာသေဆေးအပါအဝင် အစွမ်းထက်ဆေးမြီးတိုနည်းများအကြောင်းကို ဖော်ပြပါတော့မယ်ခင်ဗျာ။
အသည်းရောင်အသားဝါ၊ သွေးတိုးရောဂါ ရှိပါက ကြက်ဟင်းခါးရွက်ကို ဟင်းချိုချက်သောက်ရပါမည်။
လေထိုးလေအောင့်၊ ဆီးချုပ်ရောဂါရပါက ဂွေးတောက်ရွက်ကို ဟင်းချိုချက်သောက်ရပါမည်။
ညှင်း၊ တင်းတိပ်နှင့်ဝက်ခြံများပေါက်ပါက ဘုတလင်သီးကို သံပုရာရည်နှင့်သွေး၍လိမ်းပါ။
ခံတွင်းပျက်ရောဂါရပါက ဂုံမင်းဟင်းချိုကို သောက်ပါ။
အအေးမိအဖျားရောဂါရပါက ငရုတ်ကောင်းမှုန့်ကို ဟင်းချိုပူပူမှာထည့်သောက်ပါ။
ဝမ်းချုပ်ရောဂါရပါက ငုရွက်နုနုကို ဟင်းချိုချက်သောက်ပါ။
မြစ်ပွားနာအဖု အကျိတ်အနာပေါက်ပါက ဘုတလင်သီးကို ဆန်ဆေးရေနှင့်ရော၍သောက်ပါ။
ခန္ဓာကိုယ်အတွင်းပိုင်းတွင် အနာပေါက်ပါက ဘုတလင်သီးကို ဆန်ဆေးရေနှင့်ရော၍ သောက်ပါ။
စကားထစ်၊ ဆွံ့အရောဂါရပါက မြင်းခွာရွက်ဟင်းချိုကို တစ်နေ့၃ကြိမ် မှန်မှန်သောက်ပေးပါ။
နှလုံးအားနည်း၊ သွေးတိုးမူးဝေပါက ဧကရဇ်ပွင့်ဟင်းချိုကိုသောက်ပါ။
ကဲ . . .အခုဆိုရင် အားလုံးမျှော်လင့်နေကြတဲ့ မအိုမနာမသေဆေးဖော်နည်းရဲ့ လျှို့ဝှက်ချက်ကို ဖော်ထုတ်ပြပါတော့မယ်ခင်ဗျာ။ ဆေးနည်းလေးကတော့ ဒီလိုပါတဲ့။
ဆေးရိုးပင် (ဝါ) ဥနှဲပင်အမြစ်(၁၀)သား၊
ဖွားဖက်ဆေးပင်(ဝါ)ငုရွှေဝါပင်ရဲ့အမြစ်(၁၀)သားနဲ့
ဆင်တုံးမနွယ်ပင်အမြစ်(၁၀)သားကို
အခြောက်လှမ်း အမှုန့်ပြုလုပ်ပြီး
ပေါင်ဒါကျအောင် ဆန်ကာနဲ့စစ်ယူရမယ်။
ပြီးရင် ပျားရည်စစ်နဲ့ရောမွေပြီး
ဇီးကင်းလောက်ဆေးလုံးလေးတွေလုံးရမယ်။
ဆေးလုံးလေးတွေကို လေလုံတဲ့ပုလင်းထဲမှာထည့်ပြီး
တစ်ပါတ်ကြာရင်သုံးဆောင်လို့ရပါပြီ။
ဒီနေရာမှာကျွန်တော်တစ်ခုပြောချင်ပါတယ်။ သေခြင်းဆိုတာ မြတ်စွာဘုရားတောင်မလွန်ဆန်နိုင်တဲ့ သင်္ခါရသဘောတရားပါ။ ဒီတော့ ကျွန်တော်တို့လိုဘာမဟုတ်တဲ့ ပုထုဇဉ်တွေဟာ သေခြင်းကို ဆန့်ကျင်ဖို့ဆိုရင် ဝေလာဝေးသေးတယ်။
ဒီဆေးကိုဘာလို့အဲ့လိုခေါ်ရတာလဲဆိုတော့ ဆေးရိုးပင်ရဲ့အရွက်ဟာ ကြွေသာသွားတယ်။ ဘယ်တော့မှ ဝါမသွားပါဘူး။ ဒါကြောင့်သူ့ကို မအိုပင်လို့ခေါ်ကြပါတယ်။ နောက် ဆင်တုံးမနွယ်ဟာလည်း သူ့ပင်စည်ကို ဘယ်လောက်ပဲခုတ်ခုတ်သေသွားတယ်မရှိပဲ ကိုင်းတွေအမြဲပြန်ထွက်လာလေ့ရှိပါတယ်။ ဒါကြောင့်သူ့ကို မနာပင်လို့ခေါ်ကြပါတယ်။ ပျားရည်ကတော့ ဘယ်တော့မှ ပုပ်သိုးခြင်းမရှိတဲ့အတွက် သူ့ကို မသေသော အရည်လို့ခေါ်ကြပါတယ်။ ပါဝင်တဲ့ပစ္စည်းတွေရဲ့ အမျိုးအစားကိုလိုက်ပြီး မအိုမနာမသေဆေးလို့ခေါ်ကြတာပါ။
ဒီဆေးရဲ့အစွမ်းကတော့ ၉၆ပါးရောဂါများမှကာကွယ်ပျောက်ကင်းစေနိုင်ပြီး၊ သက်ရှည်ကျန်းမာစွာနဲ့ ဘဝကိုဖြတ်သန်းနိုင်မယ့် အာနိသင်ရှိပါတယ်ခင်ဗျာ။
အားလုံးကျန်းမာတဲ့ဘဝကို ပိုင်ဆိုင်နိုင်ကြပါစေ ။
F.W mail
Labels: ကျန်းမာရေး ဗဟုသုတ
0 comments:
Post a Comment